雖然顏色豐富又有燈光效果,不過 JBL JRPOP 真係一隻藍牙喇叭,而且仲有防水設計,試過仲要幾好聲。JBL 近年都推出唔少藍牙喇叭產品,雖然售價相宜,但係表現都好唔錯,之前試過的 JBL Charge 4 好有驚喜,算係同價位最好聲的選擇之一。今次的 JR POP 雖然細隻同平價好多,不過都保持了這個「傳統」,都係估唔到咁好聲,細細隻又防水,幾適合無負擔咁帶去戶外玩時聽歌。

 

 

JR POP 有紅、紫、綠、粉紅等顏色選擇,色彩好豐富,而且本身仲有唔同顏色燈光效果,開機之後就有幻彩燈光。採用了藍牙 4.2,充電 2 小時就可以無線播歌 5 小時,雖然唔算超長氣,不過以小型喇叭來說都差不多,一日郊遊、玩水都夠用。本身具備 IPX7 防水設計,適合水上活動使用,亦都配備手帶方便扣在手上、背囊等帶住去玩。

 

JR POP 有紅、藍、紫等多種唔同顏色選擇,色彩好豐富。

 

喇叭開機之後仲有幻彩燈光效果圍住一個圈地轉。

 

具備 IPX7 防水設計,拎去戶外玩都好適合,而且細細隻又輕便。

 

喇叭連住有扣吊帶的設計,亦都方便掛响背囊等地方帶住周圍去。

 

有開關、藍牙配對以及燈光開關按鈕。

 

另一邊就有音量按鈕,用 iPhone 播歌的話可以直接手機同步調節音量,唔使分開兩邊調整。

 

以 MicroUSB 叉電,充電 2 小時可以使用 5 小時,跟機有喇叭同色的 USB 線。

 

播歌測試:估唔到迷你喇叭都咁清咁大聲
第一次用 JR POP 播歌真係有少少嚇一跳,估唔到有咁大的音量,最重要係仲要幾好聲。雖然數字上只有 3W,不過實際用落好夠聲,就算戶外十人、八人聚會玩都幾夠用。人聲好清、還原度幾唔錯,估唔到 JBL 的調聲在這樣的小型藍牙喇叭上面都見識得到。就算播純音樂都有板有眼,前提係放在比較實淨的地方,例如枱面、櫈面使用,無多餘諧振表現會再好一點,如果吊在背囊聽歌的話低音會稍稍打了折扣。

 

 

總結:JBL 係信心保證?
之前試 Charge 4,防水藍牙喇叭竟然都有少少 Hi-Fi 味,幾驚喜。估唔到今次咁細隻的 JR POP 都好好聲,聲音好清、還原度幾好。雖然音量、音質同前者都無得比,始終體型同價錢都爭一截,不過以這種小型藍牙喇叭來說真係無投訴,加上仲有幻彩燈光,$329 的價錢真係物超所值,係一款好玩又好聲的小型防水喇叭,好適合拎去行山、露營、玩水等場合使用。

 

JBL JR POP 兒童專用無線藍牙喇叭 售價:$299

 

資料來源:spill hk